Жаңалықтарды Telegram арнамыздан оқыңыз!Бүгін еліміздің басым бөлігінде атмосфералық фронталды бөліктердің өтуіне байланысты кейбір аймақтарда ауа райының тұрақсыздығы сақталады, кей жерлерде бұрқасын, желдің күшеюі, тұман, көктайғақ болады. Тек еліміздің оңтүстік-шығыс бөлігінде шауын-шашын болмайды, кейбір жеріне тұман түседі, деп хабарлайды «Қазгидромет» РМК.
Бүгін, 31 наурызда Ақмола, Солтүстік Қазақстан облыстарында түнде және күндіз жел күейіп, оның қуаты 23-28 м/с дейін барады деп күтілуде. Қостанай облысында да түнде және күндіз желдің екпіні секундына 15-20, кейбір аудандарда 25 метрге дейін барып, тұман түсіп, көктайғақ болады. Батыс Қазақстан, Ақтөбе облыстарының кейбір жерлеріне тұман түсіп, көктайғақ болып, желдің күші 15-20 м/с дейін барады.
Ал Жамбыл, Маңғыстау облыстарына тұман түсіп, желдің екпіні 15-20 м/с дейін жетеді. Оңтүстік Қазақстан облысының кейбір аймағында найзағай мен тұман түсіп, желдің күші секундына 15-20 м болады деп күтілуде. Қызылорда облысында желдің күші 15-20 м/с, шаңды дауыл тұрады. Сондай-ақ Атырау, Павлодар, Шығыс Қазақстан және Қарағанды облыстарының кейбір жерінде желдің екпіні 15-20 м/с деңгейінде болады.
