![Премьер-Министр Аи-92 маркалы бензиннің бағасын өсірмей ұстап тұруды тапсырды](https://cdn.qazaqstan.tv/old/articles/3/article_36423.jpg?w=928&h=522&format=jpg&resize=aspectfill&g=center)
Бүгін Үкіметте өткен кеңесте Премьер-Министр Серік Ахметов алдағы бір жарым айда Аи-92 маркалы бензиннің бағасын өсірмей ұстап тұруды тапсырды.
Ресейден қажетті көлемде ашық түсті жағармай түрлерін тасымалдау мәселесіне тоқталған ҚР Мұнай және газ министрі Ұзақбай Қарабалин, «Аи-92 маркалы бензин тиісті көлемді өндірілмегендіктен, осы мұнай өнім түрін де сырттан жеткіземіз. Бүгінде республикадағы мұнай-газ базаларында Аи-92 маркалы бензиннің қоры 244 мың тонна, Аи-80 бензині 86 мың тонна, сондай-ақ дизель отын көлемі 300 мың тоннаға жуық. Егер біз бағаны өсірмесек, бұл жағармай көлемі 45 күнге жетіп қалады»,-деді.
Осыған байланысты министр АИ-92 бензиніне бағаны ұстап тұрғанымен, оның қоры таусылғаннан кейін осы маркалы жағармайдың тапшылығы туындайтындығын жеткізді.
Өз кезегінде Үкімет басшысы министрлік Табиғи монополияларды реттеу агенттігімен бірлесе 1,5 айдың ішінде қор таусылғанша АИ-92 бензиніне бағаны өсірмеу үшін барлық шараларды қабылдауды тапсырды.
Бұл тұрғыда С. Ахметов жағармай құю бекеттерінде баға негізсіз көтерілген жағдайда олар тиісті жауапкершілікке тартылатынын атап өтті.
|
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Премьер-Министр Аи-92 маркалы бензиннің бағасын өсірмей ұстап тұруды тапсырды&mh_tags=Qazaqstan&mh_page=https://qazaqstan.tv./news/85963/)