Жаңалықтарды Telegram арнамыздан оқыңыз!Мерке ауданындағы таулы жерде шыққан өртті сөндіру кезінде Жамбыл облысы әкімдігінің Табиғи ресурстар және табиғатты пайдалануды реттеу басқармасының «Орман мен жануарлар әлемін күзету бойынша Мерке аудандық мекемесінің» 2 қызметкері із-түзсіз жоғалды, деп хабарлады Жамбыл облысының Төтенше жағдайлар департаментінің баспасөз қызметі.
«28 шілдеде Мерке аудандық Ішкі істер басқармасы 26-27 шілдеде Ақтоған селолық округі «Бессалы молалы» шатқалында белгісіз жағдайларда мемлекеттік мекеменің екі қызметкері Бақытбек Үмбетов пен Бақытжан Егізбаев жоғалып кеткені туралы хабар келіп түсті», - деп хабарлады Ішкі істер басқармасының баспасөз қызметі.
Жедел іздестіру шаралары барысында «Бессалы молалы» шатқалының аумағындағы «Еркебай» шаруа қожалығы қасында, Мерке ауданынан 20 шақырым жерде күйген 2 адамның мәйіті табылды.
Қаза тапқан Мерке ауданы тұрғындарының жасы 24 пен 47-де. Өлім себебін анықтау мақсатында сот-медициналық сараптама тағайындалды.
