![«Aktau Open Fest» фестивалі 30-31 тамызда өтеді](https://cdn.qazaqstan.tv/old/articles/3/article_39288.jpg?w=928&h=522&format=jpg&resize=aspectfill&g=center)
ІІ «Aktau Open Fest» фестивалі 30-31 тамызда өтеді. Бұл туралы lada.kz порталына шараны ұйымдастырушылардың бірі Самсон Аракелян хабарлады.
Жастардың спорттық фестивалі биыл қалалық әкімдік маңындағы «Астана» алаңында өткізілмек.
Фестиваль аясында стритболдан Қазақстан чемпионаты, паркурдан шеберлік сағаттары, сондай-ақ, граффити, work-out, скейтбордингтен жарыстар ұйымдастырылады.
«Aktau Open Fest» алғаш рет 2013 жылы ұйымдастырылып, жастар арасында үлкен қызығушылық тудырған болатын.
Шараны Маңғыстау облысының әкімі Алик Айдарбаевтың бастамасымен жыл сайын ұйымдастыру қолға алынды.
Қазіргі уақытта ІІ фестивалдің бағдарламасы әзірленуде.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Aktau Open Fest» фестивалі 30-31 тамызда өтеді&mh_tags=Qazaqstan&mh_page=https://qazaqstan.tv./news/88974/)