Жаңалықтарды Telegram арнамыздан оқыңыз!Жаңа iPhone 6 Plus иелерінен смартфондардың корпусының майысуына қатысты шағым түскен. Құрылғының майысуы сатып алғаннан кейін бірнеше күн өткен соң пайда болады екен. Мамандар iPhone 6 Plus-ты джинс шалбардың қалтасында ұстаса майысуы мүмкін екенін айтады.
iPhone 6 Plus корпусының көлемі 158,1 х 77,8 х 7,1 мм. Бұл – Apple компаниясы шығарған ең үлкен әрі ең жіңішке модель. Бірақ, смартфон кейбір жағдайда сәл майысып, сол күйінде қалып қояды.
Әрине, кім болсын телефонды әдейі майыстырмайды. Демек, бұл - iPhone 6 Plus айтарлықтай мықты емес дегенді білдіреді.
Apple әзірге бұл мәселеге қатысты ешқандай мәлімдеде жасамады. Алайда, түсіп жатқан шағымдар толастамаса, компанияның қандай да бір шара қолдануына тура келеді.
Фото: hi-tech.mail.ru
