Жаңалықтарды Telegram арнамыздан оқыңыз!3 желтоқсанда «Қазақстан-Иран-Түркіменстан» теміржолы пайдалануға беріледі. Бұл туралы Иран Ислам Республикасының теміржол компаниясындағы директорлар кеңесінің мүшесі айтты, деп хабарлады ирандық баспасөз қызметі.
ИИР теміржол компаниясының директорлары кеңесінің мүшесі Мухаммад Кусе Газави бұл теміржолдың ашылуына дейін кейбір кемшіліктердің жойылатыны туралы мәлімдеді.
Жаңа теміржолдың ұзындығы 900 шақырымнан асады. Халықаралық тасымалдаулар саласындағы мамандар бұл жолдың пайдалануға берілуі Парсы шығанағы аймағы мен Еуропа арасындағы халықаралық жол 600 шақырымға қысқарады, деп есептейді.
Бұл жолдың 82 шақырымы Иран аумағында, 700 шақырым - Түркіменстан аумағы арқылы және 120 шақырымы Қазақстан бойынша өтеді. «Солтүстік-Оңтүстік» теміржол қатынасы деп аталып кеткен «Қазақстан-Түркіменстан-Иран» теміржолының ашылуымен тауарларды тасымалдау және транзиттеу уақыты екі тәулікке қысқарып, тасымалдау бағасы азаятын болады.
