![«Ұлықбек Есдәулет дәрісі» әдеби кеші өтеді](https://cdn.qazaqstan.tv/old/articles/4/article_43787.jpg?w=928&h=522&format=jpg&resize=aspectfill&g=center)
Қазақстан Республикасы Тұңғыш Президенті күніне және Қазақстан Республикасының Ұлттық академиялық кітапханасының 10 жылдық мерейтойына орай «Елбасы және ұлттың рухани жаңғыруы» тақырыбында өткізелетін халықаралық форумының аясында «Қазіргі қазақ поэзиясы және жастар. Ұлықбек Есдәулет дәрісі» атты ашық әңгіме форматындағы әдеби кездесу кеші өтеді. Бұл туралы adebiportal.kz хабарлайды.
Кеште ҚР Мемлекеттік сыйлығының иегері, «Алтын Есенин» медалінің кавалері, ақын Ұлықбек Есдәулет қазіргі дүние және қазақ поэзиясының даму барысы туралы өз ойларымен бөліседі.
Кездесу 29 қараша күні сағат 17:00-де Астана қаласындағы ҚР Ұлттық академиялық кітапханасында өтеді.
Айта кетейік, ақынның түрік тілінде «Siirler» («Жырлар») атты жыр жинағы жарық көрді.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Ұлықбек Есдәулет дәрісі» әдеби кеші өтеді&mh_tags=Qazaqstan&mh_page=https://qazaqstan.tv./news/93471/)